આજે પેરિસમાં ફ્રેન્ચ ઓપન બેડમિન્ટનમાં પ્રી-ક્વાર્ટર ફાઈનલ મેચોમાં ભારતીય ખેલાડીઓ પોતાની તાકાત બતાવશે. મહિલા સિંગલ્સમાં બે વખતની ઓલિમ્પિક મેડલ વિજેતા પીવી સિંધુનો સામનો અમેરિકાની બેવેન ઝાંગ સામે થશે. તેણે પહેલા રાઉન્ડમાં કેનેડાની મિશેલ લીને 20-22, 22-20, 21-19થી હરાવ્યો હતો.
મેન્સ સિંગલ્સમાં કિદામ્બી શ્રીકાંતનો મુકાબલો ચીનના લુ ગુઆંગ ઝુ સામે થશે. શ્રીકાંતે પ્રારંભિક રાઉન્ડમાં ચાઈનીઝ તાઈપેઈના ચાઉ ટિએન-ચેનને હરાવ્યો હતો. અન્ય એક મેચમાં લક્ષ્ય સેન ચીનની લી શી ફેંગ સામે ટકરાશે. સેને પ્રથમ રાઉન્ડમાં જાપાનની કાંતા સુનેયામા સામે જીત મેળવી હતી. ભારતનો એચએસ પ્રણોય ચીનના લુ ગુઆંગ ઝુ સામે હારીને ટૂર્નામેન્ટમાંથી બહાર થઈ ગયો છે.
કોમનવેલ્થ ગેમ્સમાં બ્રોન્ઝ મેડલ વિજેતા ટ્રેસા જોલી અને ગાયત્રી ગોપીચંદનો મુકાબલો મહિલા ડબલ્સમાં જાપાનની યુકી ફુકુશિમા અને સયાકા હિરોટા સામે થશે. તે ઓલ ઈન્ડિયન ઓપનિંગ મેચમાં અશ્વિની પોનપ્પા અને તનિષા ક્રાસ્ટોની જોડીને હરાવીને પ્રી-ક્વાર્ટર ફાઇનલમાં પહોંચી હતી.
મેન્સ ડબલ્સમાં સાત્વિકસાઈરાજ રેન્કીરેડ્ડી અને ચિરાગ શેટ્ટીની જોડી મલેશિયાની મેન વેઈ ચોંગ અને ટી કાઈ વુનની જોડી સામે ટકરાશે. વિશ્વની નંબર વન મેન્સ ડબલ્સ જોડીએ શરૂઆતના રાઉન્ડમાં મલેશિયાની ઓંગ યુ સિન અને ટીઓ ઈ યીની જોડીને હરાવી હતી.
