ભારતીય સ્ક્વોશ ખેલાડી અભય સિંહે ગઈકાલે કેનેડાના ટોરોન્ટોમાં ગુડફેલો ક્લાસિક PSA ચેલેન્જર ટૂરનું ટાઈટલ જીત્યું છે. ફાઇનલમાં તેણે વેલ્સના ઇલિયટ મોરિસ ડેવરેડને 3-0થી હરાવ્યો હતો. આ જીત સાથે એશિયન ગેમ્સની સુવર્ણ ચંદ્રક વિજેતાએ તેનું આઠમું PSA વર્લ્ડ ટૂર ટાઇટલ જીત્યું.
એક સોશિયલ મીડિયા પોસ્ટમાં, કેન્દ્રીય યુવા બાબતો અને રમતગમત મંત્રી અનુરાગ ઠાકુરે અભયને તેની સિદ્ધિ બદલ અભિનંદન આપ્યા અને સમગ્ર ટૂર્નામેન્ટમાં તેના પ્રદર્શનને નોંધપાત્ર ગણાવ્યું.
