( રિપોર્ટર ભરત શાહ ) - તારીખ 24- 8 -2024 નારોજ 68મી અખિલ ભારતીય શાળાકીય રમતોની સ્પર્ધા વડોદરા શહેર ,જિલ્લા કક્ષાની કરાટેની સ્પર્ધા વાઘોડિયા સ્પોર્ટ કોમ્પ્લેક્સ વડોદરા ખાતે સ્પોર્ટ ઓથોરિટી ઓફ ગુજરાત દ્વારા આયોજન કરવામાં આવ્યું હતું જેમાં વડોદરાના વિવિધ સ્કૂલની વિદ્યાર્થીનીઓએ ભાગ લીધો હતો, ઓક્ઝિલિયન કોન્વેન્ટ હાઇસ્કૂલમાં ધોરણ 9માં અભ્યાસ કરતી ઝીલ કલ્પેશ પાટીલ 14 વર્ષની ઉંમર હોવા છતાં અંડર 17માં કરાટે સ્પર્ધામાં ભાગ લઈ ગોલ્ડ મેડલ જીતીને વડોદરાને ગૌરવ અપાવ્યું છે અને તેની ગુજરાત રાજ્ય સ્કૂલ ગેમ કરાટે ચેમ્પિયનશિપ માટે પસંદગી થઈ હતી.
ત્યારબાદ ઝીલ પાટીલ ચાર દિવસ પહેલા ટેકવાન્ડો કોમ્પિટિશનમાં પણ ગોલ્ડ મેડલ વિજેતા બની છે આ રીતે ઝીલ પાટીલ ગુજરાતમાં શાળાકીય રમત સ્પર્ધાના ઇતિહાસમાં પહેલીવાર કોઈ દીકરી ચાર દિવસમાં બે અલગ અલગ સ્પર્ધામાં બે ગોલ્ડ મેડલ સાથે વિજેતા બની છે. ઝીલ ગુજરાતની પ્રથમ દીકરી છે જેની પાસે કરાટે , કિક બોક્સિંગ અને ટેકવાન્ડો આમ વિભિન્ન સ્પર્ધાના ગોલ્ડ મેડલ વિજેતા બનેલ છે , ઝીલ પાટીલે 12 વર્ષની ઉંમરે બ્લેકબેલ્ટ ની ડિગ્રી મેળવી લીધેલ છે . તે કરાટે પ્રતીકસર તથા અનુસરસ પાસે શીખે છે અને ટેકવાન્ડો તેના પિતા કલ્પેશ પાટીલ તેને શીખવે છે .
