સામગ્રી
200 ગ્રામ ચાઉમીન નુડલ્સ
એક ઝીણી સમારેલી ડુંગળી
એક ઝીણું સમારેલું ગાજર
એક કપ કાપેલી કોબીજ
એક કપ કટ કરેલા શીમલા મરચા
3 થી 4 કળી કટ કરેલું લસણ
2 ટેબલસ્પૂન સોયા સોસ
1 ટેબલસ્પૂન ગ્રીન ચીલી સોસ
½ ટેબલસ્પૂન ટોમેટે કેચપ
½ ટેબલસ્પૂન ખાંડ
1 ટીસ્પૂન કાળામરીનો પાવડર
બનાવવાની રીત
ચાઉમીન બનાવવા માટે સૌ પ્રથમ મીડિયમ ગેસ પર એક વાસણમાં પાણી ગરમ કરવા મુકો.
આ પાણીમાં મીઠું અને 2 ચમચી તેલ નાંખો અને ઉકાળવા દો.
પાણી થોડુ ઉકળવા લાગે એટલે એમાં ચાઉમીન નુડલ્સ એડ કરો.
ત્યારબાદ બીજા ગેસ પર મીડિયમ આંચ પર એક પેનમાં તેલ ગરમ કરવા મુકો.
આ તેલમાં લસણ નાંખો સાંતળો.
ત્યારબાદ આ તેલમાં ડુંગળી નાંખો અને આછા બ્રાઉન રંગની થાય ત્યાં સુધી સાંતળી લો.
પછી સોયા સોસ, ગ્રીન ચિલી સોસ અને ટોમેટો કેચઅપ મિક્સ કરો.
આ બધી જ પ્રોસેસ થઇ જાય પછી કાળા મરીનો પાવડર, ખાંડ અને મીઠુ નાંખીને 2 મિનિટ સુધી થવા દો.
હવે ચાઉમીનમાંથી પાણી કાઢી લો અને બે મિનિટ માટે કાણાંવાળા વાસણમાં મુકી રાખો.
પછી આ મિશ્રણમાં બરાબર મિક્સ કરી લો.
ચાઉમીન નાખ્યા પછી મિશ્રણને 5 મિનિટ માટે થવા દો અને પછી ગેસ બંધ કરી દો.
ગેસ બંધ કર્યા પછી ચાઉમીનને એક પ્લેટમાં લઇ લો.
તો તૈયાર છે વેજીટેરિયન ચાઉમીન.
આ ચાઉમીન તમે એક વાર ઘરે બનાવીને ખાશો તો ક્યારે પણ બહાર ખાવા નહિં જાવો. તો ટ્રાય કરો તમે પણ.
