દેશમાં સૌથી વધુ કારનું ઉત્પાદન અને વેચાણ કરતી કંપની મારુતિએ કિંમતમાં ઘટાડો કરવાની જાહેરાત કરી છે. મારુતિએ તેની AGS (ઓટો ગિયર શિફ્ટ) કારના 9 મોડલની કિંમતોમાં ઘટાડો કર્યો છે. નવી કિંમતો 1 જૂન, 2024થી અમલમાં આવી છે. શુક્રવારે એટલે કે 31 મે 2024ના રોજ શેર 1.58 ટકા ઘટીને રૂ. 12399 પર બંધ થયો હતો. ભાવ ઘટાડવાની અસર સોમવારે એટલે કે 3 જૂન, 2024ના રોજ શેર પર જોવા મળશે.
MARUTI SUZUKIએ વાહનોની કિંમતોમાં ઘટાડો કર્યો
એક્સચેન્જને જારી કરવામાં આવેલી માહિતીમાં કંપનીએ જણાવ્યું કે ઘણા વેરિઅન્ટની કિંમતોમાં 5,000 રૂપિયા સુધીનો ઘટાડો કરવામાં આવ્યો છે.
મારુતિએ ALTO K10, S-PRESSO ની કિંમતોમાં 5,000 રૂપિયાનો ઘટાડો કર્યો છે.
મારુતિએ CELERIO, WAGON-Rની કિંમતોમાં રૂ. 5,000નો ઘટાડો કર્યો છે.
મારુતિએ SWIFT, DZIREની કિંમતોમાં રૂ. 5,000નો ઘટાડો કર્યો છે.
BALENO, FRONX અને IGNIS ની કિંમતોમાં 5,000 રૂપિયાનો ઘટાડો કરવામાં આવ્યો છે.
મારુતિએ અગાઉ એપ્રિલમાં કિંમતોમાં વધારો કર્યો હતો
મારુતિએ 10 એપ્રિલ, 2024ના રોજ કહ્યું હતું કે તેણે ખર્ચમાં વધારાને કારણે કિંમતોમાં વધારો કર્યો છે. તે સમયે સ્વિફ્ટની કિંમત ₹25,000 મોંઘી થઈ હતી અને ગ્રાન્ડ વિટારા સિગ્મા વેરિઅન્ટ ₹19,000 મોંઘું થઈ ગયું હતું.
