બેઇજિંગ: ચીનના પૂર્વી શેનડોંગ પ્રાંતમાં મંગળવારે એક કેમિકલ પ્લાન્ટમાં વિસ્ફોટ થયો હતો. આ માહિતી સરકારી પ્રસારણકર્તા 'CCTV' માં પ્રકાશિત થયેલા સમાચારમાંથી મળી છે. રાજ્ય સમાચાર એજન્સી શિન્હુઆના અહેવાલ મુજબ, વિસ્ફોટ બાદ ગાઓમી શહેરના પ્લાન્ટમાં બચાવ ટીમો રવાના કરવામાં આવી હતી. વિસ્ફોટની જાણ થયા બાદથી કટોકટી વ્યવસ્થાપન મંત્રાલય સક્રિય સ્થિતિમાં કામ કરી રહ્યું છે. અધિકારીઓનું કહેવું છે કે આ ઘટનામાં હજુ સુધી કોઈ જાનહાનિના અહેવાલ નથી.
વિસ્ફોટનો અવાજ ઘણા કિલોમીટર દૂર સુધી સંભળાયો
વિસ્ફોટ બાદ, સ્થાનિક ફાયર અને રેસ્ક્યૂ સેવાઓએ 55 વાહનો અને 232 કર્મચારીઓને ઘટનાસ્થળે મોકલ્યા. વિસ્ફોટ સ્થળથી લગભગ ૩.૫ કિલોમીટર (૨.૨ માઇલ) દૂર એક હોટલ કર્મચારીએ જણાવ્યું કે તેણે જોરદાર વિસ્ફોટ સાંભળ્યો.
આવી ઘટનાઓ પહેલા પણ બની છે
તમને જણાવી દઈએ કે આ પહેલા 2015 માં, ઉત્તરપૂર્વીય શહેર તિયાનજિનમાં એક કેમિકલ વેરહાઉસમાં અનેક વિસ્ફોટ થયા હતા. આ વિસ્ફોટોમાં 100 થી વધુ લોકો માર્યા ગયા હતા અને હવામાં ઝેરી ધુમાડો ફેલાઈ ગયો હતો.
