MRF Q3 Result: ટાયર ઉત્પાદક કંપની MRFએ શુક્રવારે ડિસેમ્બર ક્વાર્ટરના પરિણામો જાહેર કર્યા છે. ચાલુ નાણાકીય વર્ષ 2023-24ના ત્રીજા (ઓક્ટોબર-ડિસેમ્બર) ક્વાર્ટરમાં, કંપનીનો ચોખ્ખો નફો રૂ. 509.71 કરોડ હતો, જે એક વર્ષ અગાઉના સમાન ત્રિમાસિક ગાળાની તુલનામાં ત્રણ ગણો વધુ છે.
તમને જણાવી દઈએ કે ગયા નાણાકીય વર્ષ 2022-23માં કંપનીનો ચોખ્ખો નફો 174.83 કરોડ રૂપિયા હતો. શુક્રવારે સ્ટોક એક્સચેન્જને આપવામાં આવેલી માહિતીમાં, MRFએ જણાવ્યું હતું કે ચાલુ નાણાકીય વર્ષના પ્રથમ નવ મહિનામાં એકીકૃત ચોખ્ખો નફો વધીને રૂ. 1,685.12 કરોડ થયો છે, જ્યારે ગયા નાણાકીય વર્ષના સમાન સમયગાળામાં તે રૂ. 428.29 કરોડ હતો.
રેગ્યુલેટરી ફાઇલિંગ અનુસાર, નાણાકીય વર્ષના ત્રીજા ક્વાર્ટરમાં કંપનીની આવક વાર્ષિક ધોરણે 9.3 ટકા વધીને રૂ. 6,047.8 કરોડ થઈ છે.
ચાલુ નાણાકીય વર્ષના એપ્રિલ-ડિસેમ્બર (નવ-મહિના) ગાળા માટે કોન્સોલિડેટેડ નફો વધીને રૂ. 1,685.12 કરોડ થયો છે. ગયા નાણાકીય વર્ષના સમાન સમયગાળામાં તે રૂ. 428.29 કરોડ હતો.
કંપનીના જણાવ્યા અનુસાર, સમીક્ષા હેઠળના ક્વાર્ટરમાં કુલ આવક રૂ. 6,240.08 કરોડ હતી, જે અગાઉના નાણાકીય વર્ષના સમાન ક્વાર્ટરમાં રૂ. 5,715.91 કરોડ હતી.
એપ્રિલ-ડિસેમ્બરના સમયગાળામાં કુલ આવક રૂ. 19,042.88 કરોડ હતી, જે ગયા નાણાકીય વર્ષના સમાન સમયગાળામાં રૂ. 17,349.66 કરોડ હતી.
શુક્રવારે યોજાયેલી બોર્ડ ઓફ ડિરેક્ટર્સની બેઠકમાં 31 માર્ચ, 2024 ના રોજ પૂરા થતા નાણાકીય વર્ષ માટે 3 રૂપિયા પ્રતિ ઇક્વિટી શેર (30 ટકા)નું બીજું વચગાળાનું ડિવિડન્ડ જાહેર કરવામાં આવ્યું હતું. આ બીજું વચગાળાનું ડિવિડન્ડ 4 માર્ચ, 2024ના રોજ અથવા તે પછી ચૂકવવામાં આવશે.
