બિગ બોસના વિજેતા એલ્વિશ બાદ ફસાયા મુનવ્વર, આ સ્પર્ધકો પણ નશાની લતના કારણે જેલમાં

એલ્વિશ યાદવની પ્રથમ કોબ્રા કેસમાં ધરપકડ કરવામાં આવી હતી. ત્યારબાદ એલ્વિશ બાદ તાજેતરમાં મુનાવર ફારૂકીની પણ પોલીસે હુક્કાબારના દરોડામાં અટકાયત કરી હતી અને પૂછપરછ બાદ તેને છોડી મુકવામાં આવ્યો હતો.

સલમાન ખાનના રિયાલિટી ટીવી શો 'બિગ બોસ' સિઝન 17નો ખિતાબ જીતનાર સ્ટેન્ડઅપ કોમેડિયન મુનાવર ફારૂકીને તાજેતરમાં જ મુંબઈ પોલીસે હુક્કા બારના દરોડામાં અટકાયતમાં લીધો હતો અને પૂછપરછ બાદ છોડી મૂક્યો હતો. જણાવવામાં આવી રહ્યું છે કે મુનવ્વર ફારૂકી હુક્કાબારમાં ગેરકાયદેસર પદાર્થોનું સેવન કરતા પકડાયો હતો. પોલીસ આ મામલે તપાસ કરી રહી છે, પરંતુ કેસ જામીનપાત્ર હતો, તેથી મુનવ્વરને જલ્દી જામીન મળી ગયા. મુનવ્વર ફારૂકી પહેલા બિગ બોસના આ સ્પર્ધકો ડ્રગ્સના સેવનના આરોપમાં જેલ પણ ગયા હતા.

એલ્વિશ યાદવ

થોડા દિવસો પહેલા બિગ બોસ ઓટીટી 2 વિજેતા અને યુટ્યુબર એલ્વિશ યાદવનું નામ કોબ્રા સ્કેન્ડલમાં સામે આવ્યા બાદ ધરપકડ કરવામાં આવી હતી, ત્યારબાદ તે 5 દિવસ જેલમાં રહ્યો હતો અને 22 માર્ચે એલ્વિશને જામીન મળી ગયા હતા. એવું લાગે છે કે બિગ બોસના વિજેતાઓ માટે આ ખરાબ સમય છે. જો કે, 'બિગ બોસ'ના કેટલાક સ્પર્ધકો એવા છે જેઓ બિગ બોસના ઘરમાં પ્રવેશતા પહેલા જ જેલ જઈ ચૂક્યા છે.

અરમાન કોહલી

'જાની દુશ્મન' જેવી ફિલ્મોમાં જોવા મળેલા એક્ટર અરમાન કોહલીની ડ્રગ્સના કેસમાં ધરપકડ કરવામાં આવી છે. તેની ધરપકડ પહેલા એનસીબીએ અરમાનના ઘરે દરોડા પાડ્યા હતા. આ સમય દરમિયાન, તેમને અભિનેતાના ઘરેથી એક ગ્રામથી વધુ કોકેઈન મળી આવ્યું હતું. અરમાન કોહલી બોલિવૂડના જાણીતા નિર્માતા-નિર્દેશક રાજકુમાર કોહલીનો પુત્ર છે.

એજાઝ ખાન

એજાઝ ખાન હિન્દી અને દક્ષિણની ઘણી ફિલ્મોમાં જોવા મળ્યો છે. તે ફિલ્મો કરતાં તેના અંગત જીવન માટે વધુ ચર્ચામાં રહે છે. અભિનેતા 'બિગ બોસ 7'નો સ્પર્ધક રહી ચૂક્યો છે. ઈજાઝ 2021માં ડ્રગ્સના કેસમાં બે વર્ષ માટે જેલમાં ગયો હતો. મુંબઈ પોલીસે એજાઝની એરપોર્ટ પરથી ધરપકડ કરી હતી.