ઐતિહાસિક સિદ્ધિ: PSA ગોલ્ડ ઈવેન્ટની સેમિફાઇનલમાં પહોંચનાર પ્રથમ ભારતીય
ભારતની યુવા સ્ક્વોશ સન્સેશન અનાહત સિંહે સિલિકોન વેલી ઓપનમાં પોતાની શાનદાર સફર જારી રાખતા વધુ એક મોટો કીર્તિમાન સ્થાપિત કર્યો છે. વિશ્વમાં 15મો ક્રમાંક ધરાવતી અનાહતે પોતાની કારકિર્દીમાં પ્રથમ વખત PSA ગોલ્ડ ટૂર્નામેન્ટની સેમિફાઇનલમાં પ્રવેશ મેળવ્યો છે.
આ સાથે જ તે રમતગમતના ઇતિહાસમાં PSA ગોલ્ડ ઈવેન્ટની સેમિફાઇનલ સુધી પહોંચનારી પ્રથમ ભારતીય સ્ક્વોશ ખેલાડી બની ગઈ છે.
પાંચ ગેમના રોમાંચક મુકાબલામાં ઇજિપ્તની ખેલાડીને આપી માત
અનાહતે ઇજિપ્તની વિશ્વની 14મી નંબરની ખેલાડી સલ્મા હાની સામે અદ્ભુત ધૈર્ય અને રમતનું પ્રદર્શન કર્યું હતું. બે વાર પાછળ રહ્યા બાદ પણ શાનદાર વાપસી કરીને તેણે 4-11, 11-8, 4-11, 11-2, 11-5 થી વિજય મેળવ્યો હતો.
આ રોમાંચક મેચમાં અનાહતની માનસિક મજબૂતી સ્પષ્ટ દેખાઈ આવી હતી:
અદ્ભુત વાપસી: પ્રથમ ત્રણ ગેમમાંથી બે ગેમ ગુમાવ્યા બાદ પણ અનાહતે સહેજ પણ હિંમત ન હારી.
આક્રમક પ્રદર્શન: છેલ્લી બે નિર્ણાયક સેટમાં તેણે સલ્માને માત્ર 7 પોઈન્ટ જ લેવા દીધા હતા.
રેન્કિંગમાં ઉછાળો: આ ઐતિહાસિક જીતથી ગ્લોબલ રેન્કિંગમાં તેનો દબદબો વધુ મજબૂત થયો છે.
"હું મારી હાર સરળ બનવા દેવા નહોતી માગતી" - અનાહત સિંહ
અમદાવાદ એક્સપ્રેસ સાથેની ખાસ વાચચીતમાં અનાહતે પોતાની રણનીતિ અંગે જણાવ્યું હતું કે, "મેં પહેલાં ક્યારેય સલ્મા સામે રમત રમી નહોતી, તેથી મને ખબર નહોતી કે શું અપેક્ષા રાખવી. તે ખૂબ અનુભવી ખેલાડી છે. શરૂઆત 11-4 થી ખરાબ રહી હતી, પરંતુ હું કોઈ પણ ભોગે મેચમાં વાપસી કરવા માગતી હતી."
18 વર્ષીય આ સ્ટારે વધુમાં ઉમેર્યું, "ગઈકાલની જીતની ખુશી અને થાક છતાં હું મારું મોમેન્ટમ ગુમાવવા માગતી નહોતી. મને વિશ્વાસ હતો કે જો હું મારી શ્રેષ્ઠ રમત રમીશ તો મારી પાસે દરેક સામે જીતવાની તક છે."
વર્લ્ડ ચેમ્પિયનને હરાવીને સેમિફાઇનલમાં મારી એન્ટ્રી
આ પહેલાં અનાહતે પોતાના કરિયરની સૌથી મોટી જીત નોંધાવતા 8 વખતની વર્લ્ડ ચેમ્પિયન ઇજિપ્તની નૂર એલ શેરબિનીને ક્વાર્ટર ફાઇનલમાં માત્ર 30 મિનિટમાં 3-0 (11-8, 11-8, 11-7) થી સીધા સેટમાં હરાવીને સનસનાટી મચાવી દીધી હતી.
હવે ફાઇનલમાં જગ્યા બનાવવા માટે અનાહતનો સામનો મલેશિયાની વિશ્વની ચોથા નંબરની ખેલાડી શિવાસંગરી સુબ્રમણિયમ સામે થશે, જેણે તેને એશિયન ગેમ્સ 2026ના ગોલ્ડ મેડલ મેચમાં હરાવી હતી. અનાહત પાસે હવે તે હારનો બદલો લેવાની ઉત્તમ તક છે.
