રાજપીપલા : રમતગમત, યુવા અને સાંસ્કૃતિક પ્રવૃત્તિઓ વિભાગ, ગાંધીનગર હસ્તકના કમિશનરશ્રી યુવક સેવા અને સાંસ્કૃતિક પ્રવૃત્તિઓ, ગાંધીનગર દ્વારા આયોજિત તથા જિલ્લા યુવા વિકાસ અધિકારી અને જિલ્લા યુવા અને સાંસ્કૃતિક પ્રવૃત્તિઓ કચેરી, નર્મદા દ્વારા સંચાલિત જિલ્લા કક્ષાની નવરાત્રી સ્પર્ધાઓનું આયોજન જુલાઈ-૨૦૨૫ના અંત સુધીમાં આયોજન કરવામાં આવેલ છે.
જેમાં પ્રાચીન ગરબા સ્પર્ધાની વય મર્યાદા ૧૪ થી ૩૫ વર્ષ તેમજ અર્વાચીન ગરબા સ્પર્ધાની વય મર્યાદા ૧૪ થી ૩૫ વર્ષ અને રાસ સ્પર્ધાની વય મર્યાદા ૧૪ થી ૪૦ ની વય મર્યાદા રહેશે. સ્પર્ધામાં રસ ધરાવતા કલાવૃંદો/મંડળોએ તા. ૨૫/૦૭/૨૦૨૫ સુધીમાં ઓફિસ સમય દરમ્યાન એન્ટ્રી ફોર્મ ભરીને જમા કરાવવાનો રહેશે. આ ફોર્મ જિલ્લા યુવા અને સાંસ્કૃતિક પ્રવૃત્તિઓની કચેરી, બીજો માળ, રૂમ નં. ૨૧૭, જિલ્લા સેવા સદન, રાજપીપળા, જી. નર્મદા ખાતે જમા કરાવવાના રહેશે. સ્પર્ધાના
નિયમો અને અન્ય માહિતી માટે સીધો સંપર્ક કરવા જિલ્લા યુવા વિકાસ અધિકારીશ્રીએ નર્મદાની એક અખબારી યાદીમાં જણાવ્યું છે.
