OnePlus એ આગામી ફ્લેગશિપ સ્માર્ટફોનની લોન્ચ તારીખની પુષ્ટિ કરી છે. OnePlus 12 અને OnePlus 12R ભારતમાં લોન્ચ થવા જઈ રહ્યા છે. કંપનીએ પુષ્ટિ કરી છે કે આ બંને સ્માર્ટફોન ભારતમાં 23 જાન્યુઆરીએ લોન્ચ થશે. આ ફોન પણ એ જ દિવસે ગ્લોબલ માર્કેટમાં લોન્ચ કરવામાં આવશે. OnePlus 12 ચીનમાં લૉન્ચ થઈ ચૂક્યો છે.
કંપનીએ તેનું ટીઝર રિલીઝ કર્યું છે. બ્રાન્ડ આ બંને ફોન ભારતમાં લોન્ચ કરશે. જો કે ચીનમાં માત્ર OnePlus 12 લોન્ચ કરવામાં આવ્યો છે. ચાલો જાણીએ આ સ્માર્ટફોનની કિંમત અને અન્ય વિગતો.
OnePlus 12 અને OnePlus 12Rની લોન્ચ તારીખ
કંપની આ મહિને તેની 10મી વર્ષગાંઠ ઉજવી રહી છે. બ્રાન્ડ આ બંને સ્માર્ટફોન ભારતમાં 23 જાન્યુઆરી, 2024ના રોજ લોન્ચ કરશે. આ બંને ફોન સાંજે 7.30 વાગ્યે લોન્ચ થશે. OnePlus 12ને ચીનના માર્કેટમાં લોન્ચ કરવામાં આવ્યો છે. તેનું બેઝ વેરિઅન્ટ 12GB RAM + 256GB સ્ટોરેજ સાથે આવે છે, જેની કિંમત લગભગ 50,500 રૂપિયા છે.
તમને જણાવી દઈએ કે કંપનીએ OnePlus 11ને 56,999 રૂપિયાની કિંમતે લોન્ચ કર્યો હતો. એવી અપેક્ષા છે કે કંપની OnePlus 12ને 60 હજાર રૂપિયાની કિંમતે લોન્ચ કરશે. જ્યારે કંપની OnePlus 12Rને 50 હજાર રૂપિયાના બજેટમાં લોન્ચ કરી શકે છે.
