લોકપ્રિય સ્માર્ટફોન નિર્માતા કંપની OnePlus તેના ગ્રાહકો માટે એક નવો સ્માર્ટફોન લોન્ચ કરવા જઈ રહી છે. OnePlus નો આગામી સ્માર્ટફોન OnePlus Nord CE4 Lite હશે. OnePlus દ્વારા સોશિયલ મીડિયા પ્લેટફોર્મ X પર આ અંગે એક પોસ્ટ પણ કરવામાં આવી છે. OnePlus તેને મિડ-રેન્જ સેગમેન્ટમાં રજૂ કરી શકે છે.
દિગ્ગજ સ્માર્ટફોન નિર્માતા OnePlus એક નવો સ્માર્ટફોન લોન્ચ કરવા જઈ રહી છે. OnePlus ટૂંક સમયમાં તેના ચાહકો માટે બજારમાં OnePlus Nord CE4 Lite લોન્ચ કરશે. કંપનીનો આ સ્માર્ટફોન Nord CE4 સીરીઝનો ભાગ હશે જે એપ્રિલ મહિનામાં લોન્ચ કરવામાં આવ્યો હતો. જો તમે મિડ-રેન્જ સેગમેન્ટમાં નવો સ્માર્ટફોન ખરીદવા માંગો છો, તો આ બેસ્ટ ઓપ્શન બની શકે છે.
OnePlus Nord CE4 Lite ને લગતી લીક્સ છેલ્લા ઘણા સમયથી બહાર આવી રહી છે. આ સ્માર્ટફોનની તે યુઝર્સ આતુરતાથી રાહ જોઈ રહ્યા છે જેઓ રૂ. 15,000 થી રૂ. 20,000ના સેગમેન્ટમાં શક્તિશાળી સ્માર્ટફોન શોધી રહ્યા છે. હવે OnePlus દ્વારા તેના લોન્ચ અંગે સત્તાવાર જાહેરાત કરવામાં આવી છે.
કંપનીએ લોન્ચિંગ ડેટ જાહેર કરી છે
તમને જણાવી દઈએ કે OnePlus એ પોતાના X એકાઉન્ટમાંથી એક પોસ્ટ કરી હતી જેમાં કહેવામાં આવ્યું હતું કે કંપની 18 જૂને ભારતીય માર્કેટમાં એક નવો સ્માર્ટફોન લોન્ચ કરવા જઈ રહી છે. કંપની આ દિવસે બજારમાં OnePlus Nord CE 4 Liteનું અનાવરણ કરશે. કંપનીની લૉન્ચ ઇવેન્ટ 18 જૂને સાંજે 7 વાગ્યે યોજાશે. કંપનીએ આગામી ડિવાઈસને લઈને ઈ-કોમર્સ વેબસાઈટ એમેઝોન પર પ્રોડક્ટ પેજ પણ લાઈવ કર્યું છે.
