રાજપીપલા : સ્પોર્ટ્સ ઓથોરિટી ઓફ ગુજરાત, ગાંધીનગર તથા જિલ્લા રમત વિકાસ અધિકારી નર્મદા કચેરી દ્વારા સંચાલિત નર્મદા જિલ્લામાં કાર્યરત DLSS (District Level Sports School)
યોજનાના ખેલાડીઓએ તાજેતરમાં યોજાયેલ 69મી SGFI રાષ્ટ્રકક્ષાની હેન્ડબોલ સ્પર્ધામાં જુદી જુદી વયજૂથોમાં ભાગ લઈ ઉત્તમ પ્રદર્શન કર્યું છે અને કુલ 3 મેડલ મેળવી નર્મદા જિલ્લાનું ગૌરવ વધાર્યું છે.
DLSS (ડીસ્ટ્રીક્ટ લેવલ સ્પોર્ટ્સ સ્કૂલ), શ્રી અંબુભાઈ પુરાણી હાઇસ્કૂલ, રાજપીપલા ખાતે તાલીમ મેળવનાર ખેલાડી શ્રી સુમિતભાઈ જીતેન્દ્રભાઈ વસાવાએ રાજસ્થાન ખાતે યોજાયેલ 69 મી SGFI હેન્ડબોલ રાષ્ટ્રકક્ષા સ્પર્ધા વર્ષ 2025-26 માં અંડર-14 વયજૂથમાં ભાગ લઈ સિલ્વર મેડલ પ્રાપ્ત કર્યો છે.ખેલાડીશ્રી કામિનીબેન કમલેશભાઈ વસાવાએ ગુજરાતના સોમનાથ ખાતે યોજાયેલ 69મી SGFI હેન્ડબોલ રાષ્ટ્રકક્ષા સ્પર્ધા વર્ષ 2025-26 માં અંડર-17 વયજૂથમાં ભાગ લઈ ગોલ્ડ મેડલ પ્રાપ્ત કર્યો છે.
ખેલાડીશ્રી જયદીપ વિજયભાઈ તડવીએ ગુજરાતના સોમનાથ ખાતે યોજાયેલ 69મી SGFI હેન્ડબોલ રાષ્ટ્રકક્ષા સ્પર્ધા વર્ષ 2025-26 માં અંડર-19 વયજૂથમાં ભાગ લઈ ગોલ્ડ મેડલ પ્રાપ્ત કર્યો છે. આ રીતે DLSS નર્મદા જિલ્લાના ખેલાડીઓએ રાષ્ટ્રકક્ષાની સ્પર્ધામાં કુલ 3 મેડલ મેળવી ઉત્કૃષ્ટ પ્રદર્શન કર્યું છે. આ તમામ સફળતા બદલ ખેલાડીઓના કોચશ્રી સંદીપભાઈ બારોટ તથા DLSS હેન્ડબોલ ટ્રેનર શ્રી દિગ્વીજયસિંહ ગોહીલ દ્વારા ખેલાડીઓને અભિનંદન પાઠવવામાં આવ્યા છે. આ ઉપરાંત, જિલ્લા રમત વિકાસ અધિકારીશ્રી શ્રી દિનેશભાઈ ભીલ, નર્મદા દ્વારા પણ આ તમામ ખેલાડીઓ, કોચ અને ટ્રેનરને હાર્દિક અભિનંદન પાઠવી ઉજ્જવળ ભવિષ્યની શુભેચ્છા વ્યક્ત કરવામાં આવી છે.
