SRH vs MI Rohit Sharma: IPL 2024 ની 8મી મેચ સનરાઈઝર્સ હૈદરાબાદ અને મુંબઈ ઈન્ડિયન્સની ટીમો વચ્ચે રાજીવ ગાંધી ઈન્ટરનેશનલ સ્ટેડિયમમાં રમાઈ રહી છે. રોહિત શર્માએ આ મેચનો ભાગ બનતાની સાથે જ એક મોટો રેકોર્ડ પોતાના નામે કરી લીધો છે. રોહિત શર્માએ એવી ક્લબમાં જગ્યા બનાવી છે જેમાં વિરાટ કોહલી અને એમએસ ધોનીનું નામ સામેલ છે.
આ ઐતિહાસિક રેકોર્ડ રોહિતના નામે છે
રોહિત શર્મા મુંબઈ ઈન્ડિયન્સ તરફથી ખેલાડી તરીકે પોતાની 200મી મેચ રમી રહ્યો છે. આ સાથે તે IPLમાં કોઈ ટીમ માટે 200 મેચ રમનાર ત્રીજો ખેલાડી બની ગયો છે. IPLમાં રોહિત શર્મા પહેલા આ કારનામું વિરાટ કોહલી અને એમએસ ધોનીએ કર્યું હતું. વિરાટ કોહલીએ રોયલ ચેલેન્જર્સ બેંગ્લોર માટે 200 મેચ રમી છે. જ્યારે, એમએસ ધોનીએ ચેન્નાઈ સુપર કિંગ્સ માટે આ કારનામું કર્યું છે.
IPLમાં એક ટીમ માટે 200 મેચ રમનારા ખેલાડીઓ
239 મેચો - RCB માટે વિરાટ કોહલી
222 મેચો - CSK માટે એમએસ ધોની
200 મેચો - મુંબઈ ઈન્ડિયન્સ માટે રોહિત શર્મા
આવું કરનાર મુંબઈ ઈન્ડિયન્સનો પ્રથમ ખેલાડી
રોહિત શર્મા મુંબઈ ઈન્ડિયન્સ તરફથી 200 મેચ રમનાર પ્રથમ ખેલાડી બની ગયો છે. રોહિત શર્મા 2011થી IPLમાં મુંબઈ ઈન્ડિયન્સ તરફથી રમી રહ્યો છે. રોહિતે IPL 2013 થી 2023 સુધી ટીમની કમાન પણ સંભાળી હતી. આ સમયગાળા દરમિયાન તેણે મુંબઈ ઈન્ડિયન્સને 5 વખત ચેમ્પિયન બનાવ્યું હતું. તે જ સમયે, રોહિતે મુંબઈ માટે અત્યાર સુધીમાં 5084 રન બનાવ્યા છે.
મુંબઈ ઈન્ડિયન્સ માટે સૌથી વધુ મેચ રમનારા ખેલાડીઓ
રોહિત શર્મા - 200 મેચ
કિરોન પોલાર્ડ - 189 મેચ
હરભજન સિંહ - 136 મેચ
લસિથ મલિંગા - 122 મેચ
જસપ્રીત બુમરાહ - 121 મેચ
