બોલિવૂડના ભાઈજાન સલમાન ખાન નો જન્મદિવસ 27મી ડિસેમ્બરે છે. દબંગ ખાન 58 વર્ષનો થઈ ગયો છે. ફિલ્મોમાં આવતા પહેલા જ સલમાને નક્કી કર્યું હતું કે તે તેની ફિલ્મોમાં ક્યારેય લિપ-લૉક નહીં કરે. જ્યારે પણ તેની ફિલ્મમાં કિસિંગ સીન બતાવવામાં આવે છે ત્યારે કાં તો કેમેરા એંગલ સાથે છેતરપિંડી કરવાનો પ્રયાસ કરવામાં આવે છે અથવા તો એવી ગોઠવણ કરવામાં આવે છે કે જેથી રોમાન્સ દેખાય અને સલમાન ને તેના સિદ્ધાંતો સાથે સમાધાન ન કરવું પડે. થોડા મહિનાઓ પહેલા સલમાને તેની 'નો કિસિંગ પોલિસી' પાછળનું કારણ જણાવ્યું હતું.
સલમાન ખાને કહ્યું, “બાળપણમાં અમે રજાઓમાં પરિવાર સાથે અંગ્રેજી ફિલ્મો જોતા હતા. એ સમયે ઘરમાં વિડિયો કેસેટ આવતી અને અમે બધા સાથે બેસીને ફિલ્મો જોતા. પરંતુ અંગ્રેજી ફિલ્મો જોતી વખતે જ્યારે પણ કિસિંગ સીન કે લવ મેકિંગ સીન જોવા મળતો ત્યારે દરેક જણ અસહજ થઈ જતા હતા. હું નથી ઇચ્છતો કે મારા ચાહકો મારી ફિલ્મો જોતી વખતે અમને જે લાગ્યું હોય તે અનુભવે. હું હંમેશા આખા પરિવાર માટે ફિલ્મો બનાવું છું. મને ગમશે જ્યારે મમ્મી, પપ્પા, દાદા દાદી, નાના બાળકો બધા મારી ફિલ્મો એકસાથે જુએ અને હું ઈચ્છું છું કે તેઓ ફિલ્મ જોતી વખતે જરા પણ અસ્વસ્થતા ન અનુભવે."
મેં મારા પિતા પાસેથી પ્રેરણા લીધી
સલમાન ખાને આગળ કહ્યું, “મેં હંમેશા આ વાતને ધ્યાનમાં રાખી છે અને તેથી જ મારા ચાહકો આજે પણ મારી સાથે જોડાયેલા છે અને મને મને પ્રેમ કરે છે. કેટલીક ફિલ્મો એવી હોય છે જે તમે એકલા અથવા તમારા મિત્રો સાથે જોઈ શકો છો. પરંતુ તમે તમારા પરિવાર સાથે આવી ફિલ્મો જોઈ શકતા નથી. હું આવી ફિલ્મો ક્યારેય નહીં કરું. ખરેખર, મને આ પ્રેરણા મારા પિતા સલીમ ખાન પાસેથી મળી હતી. તેમની ફિલ્મોમાં ક્યારેય વિલનને પણ અભિનેત્રીની છેડતી કરતા દર્શાવાયા નથી.
આ નિર્ણય 1988 પહેલા લેવામાં આવ્યો હતો
તમને જણાવી દઈએ કે, સલમાન ખાન ની બીજી ફિલ્મ 'મૈંને પ્યાર કિયા'માં ભાગ્યશ્રી અને સલમાન વચ્ચેનો કિસિંગ સીન અરીસાનો ઉપયોગ કરીને બતાવવામાં આવ્યો હતો, જ્યારે ફિલ્મ 'રાધે' દરમિયાન પણ દિશા પટાની અને સલમાન વચ્ચે ફિલ્માવાયેલા કિસિંગ સીનમાં દિશાનું મોં બતાવવામાં આવ્યું હતું, પરંતુ તે ટેપ કરવામાં આવ્યું હતું. છેલ્લા 35 વર્ષથી સલમાને સ્ક્રીન પર તેની 'નો કિસિંગ પોલિસી' જાળવી રાખી છે.
