RCB vs SRH: સનરાઇઝર્સ હૈદરાબાદે IPLની એક ઇનિંગમાં સૌથી મોટો સ્કોર બનાવવાનો રેકોર્ડ તોડી નાખ્યો છે. ખાસ વાત એ છે કે સનરાઇઝર્સ હૈદરાબાદે પોતાનો જ રેકોર્ડ તોડ્યો છે. અગાઉ આ જ સિઝનમાં સનરાઈઝર્સ હૈદરાબાદે મુંબઈ ઈન્ડિયન્સ સામે 20 ઓવરમાં 3 વિકેટ ગુમાવીને 277 રન બનાવ્યા હતા. પરંતુ આ વખતે હૈદરાબાદે 277થી વધુ રન બનાવ્યા છે.
હૈદરાબાદે IPLના ઈતિહાસમાં સૌથી મોટો સ્કોર બનાવ્યો
રોયલ ચેલેન્જર્સ બેંગ્લોર સામે સનરાઈઝર્સ હૈદરાબાદના બેટ્સમેનોએ શાનદાર બેટિંગ કરી હતી. આ મેચમાં સનરાઈઝર્સ હૈદરાબાદે પહેલી જ ઓવરથી ઘણા રન બનાવ્યા હતા. ટ્રેવિસ હેડ, અભિષેક શર્મા, એડન માર્કરામ, અબ્દુલ સમદ અને હેનરિક ક્લાસેનની તોફાની ઇનિંગ્સને કારણે SRHએ 20 ઓવરમાં 3 વિકેટ ગુમાવીને 287 રન બનાવ્યા હતા. આ પહેલા કોઈ ટીમ 20 ઓવરમાં આટલો મોટો સ્કોર બનાવી શકી ન હતી.
IPLમાં ટીમનો સર્વોચ્ચ સ્કોર
287/3 - સનરાઇઝર્સ હૈદરાબાદ વિ આરસીબી, બેંગલુરુ, 2024
277/3 - સનરાઈઝર્સ હૈદરાબાદ વિ મુંબઈ ઈન્ડિયન્સ, હૈદરાબાદ, 2024
272/7 - કોલકાતા નાઈટ રાઈડર્સ વિ દિલ્હી કેપિટલ્સ, વિશાખાપટ્ટનમ, 2024
263/5 - રોયલ ચેલેન્જર્સ બેંગ્લોર વિ પુણે વોરિયર્સ, બેંગલુરુ, 2013
257/5 - લખનૌ સુપર જાયન્ટ્સ વિ પંજાબ કિંગ્સ, મોહાલી, 2023
248/3 - રોયલ ચેલેન્જર્સ બેંગ્લોર વિ ગુજરાત લાયન્સ, બેંગલુરુ, 2016
246/5 - CSK વિ રાજસ્થાન રોયલ્સ, ચેન્નાઈ, 2010
ટ્રેવિસ હેડે સદીની ઇનિંગ રમી હતી
આ મેચમાં ટ્રેવિસ હેડે પોતાની ટીમ માટે સૌથી મોટી ઇનિંગ રમી હતી. ટ્રેવિસ હેડે 41 બોલમાં 102 રન બનાવ્યા હતા. આ દરમિયાન તેણે 9 ફોર અને 8 સિક્સર ફટકારી હતી. જ્યારે અભિષેક શર્માએ 34 રનની ઇનિંગ રમી હતી. આ પછી હેનરિક ક્લાસને 31 બોલમાં 67 રન બનાવ્યા હતા. એડન માર્કરામ 17 બોલમાં 32 રન અને અબ્દુલ સમદ 10 બોલમાં 37 રન બનાવીને અણનમ રહ્યા હતા.
