અમદાવાદ ; ભારતની સૌથી ઝડપથી વિકસી રહેલી સ્પેશિયલ્ટી કોફી બ્રાન્ડ્સ પૈકીની એક Third Wave Coffee એ બે નવા કેફેના લોન્ચ સાથે અમદાવાદ શહેરમાં પ્રવેશ કર્યો છે. શહેરના સૌથી વાઇબ્રન્ટ સ્થળોમાં સ્થાન ધરાવતા સીજી રોડ અને પ્રહલાદ નગર ખાતે આવેલા આ કેફેનું લોન્ચિંગ બ્રાન્ડની દેશભરમાં વિસ્તરણ કરવાની યોજનામાં એક મહત્વપૂર્ણ સીમાચિહ્ન છે. અમદાવાદ એરપોર્ટ ખાતે હાલની હાજરી સાથે આ નવા લોન્ચીસ Third Wave Coffeeની શહેરમાં તથા તેના વેસ્ટર્ન માર્કેટ ક્લસ્ટરમાં હાજરી વધુ મજબૂત બનાવે છે જેમાં મુંબઈ અને પૂણેનો સમાવેશ થાય છે.
મોટા મેટ્રો અને ઉભરતા વિસ્તારોમાં મજબૂત હાજરી સ્થાપનારી Third Wave Coffee હવે 12 શહેરોમાં 195થી વધુ કેફે ચલાવે છે. અમદાવાદમાં પ્રવેશ એ આ ક્લસ્ટરમાં વ્યૂહાત્મક વિસ્તરણ છે અને આ પ્રદેશમાં વધુ ગહન ગ્રાહક જોડાણો ઊભા કરવાની બ્રાન્ડની લાંબા ગાળાની પ્રતિબદ્ધતાની પુનઃપુષ્ટિ કરે છે.
Third Wave Coffeeના સીઈઓ રજત લુથરાએ આ લોન્ચ અંગે જણાવ્યું હતું કે “અમે ગુજરાતમાં Third Wave Coffee લાવતા ઉત્સાહિત છીએ. અમદાવાદમાં પ્રવેશ એ અમારી વૃદ્ધિની સફરમાં એક સાહજિક પગલું છે, જે ગ્રાહક માંગ અને શહેરની વાઇબ્રન્ટ કેફે કલ્ચર દ્વારા પ્રેરિત છે. અમદાવાદની ખાસ વાત છે તેની હૂંફ, આતિથ્યભાવના અને પ્રીમિયમ કોફી માટેની વધતી જતી માંગ. આ એવા મૂલ્યો છે જે અમારા બ્રાન્ડની નૈતિકતા સાથે મજબૂત રીતે જોડાયેલા છે. અમે અહીં પણ તે જ પ્રેમ મેળવવા માટે આતુર છીએ જે અમને અન્ય બજારોમાં મળે છે.”
કોફી-ફર્સ્ટ ફિલોસોફીને વળગી રહેતા Third Wave Coffee અમદાવાદમાં તેના સિગ્નેચર સ્પેશિયાલિટી બ્રુ લાવે છે જે નૈતિક રીતે પ્રાપ્ત કરેલા બીન્સમાંથી બનાવવામાં આવે છે. કોફીના અનુભવને પૂરક બનાવતું ગુજરાત-એક્સક્લુઝિવ, 100 ટકા વેજિટેરિયન મેનુ જે ખાસ આ શહેર માટે બનાવવામાં આવ્યું છે. આ લાઇનઅપમાં બન મસ્કા અને ક્લાસિક પફ જેવી સ્થાનિક મનપસંદ વસ્તુઓ, શ્રીખંડ ચીઝકેક, બિસ્કોફ બ્રાઉની, મૂસ કપ અને પેસ્ટ્રી જેવી સ્વાદિષ્ટ મીઠાઈઓ તથા ખાસ તૈયાર કરાતી વેજિટેરિયન સેન્ડવીચ, રેપ્સ, પિઝા, કેસાડિયાઝ અને ક્રોસાં સેન્ડવીચની વિશાળ રેન્જનો સમાવેશ થાય છે. મેનૂમાં સ્મૂધી બાઉલ્સ, સોફ્ટ જીલેટોસ અને વ્યાપક વફલ સિલેક્શન પણ સામેલ છે જે અમદાવાદના સ્વાદ માટે કંઈક પરિચિત અને અનુકૂળ વ્યંજનો ઓફર કરતી વખતે રોજિંદી કોફીની પળોને વધારવા માટે બનાવવામાં આવ્યું છે.
અમદાવાદના નવા કેફે હૂંફાળી અને મોર્ડન સ્પેસીસ તરીકે ડિઝાઇન કરવામાં આવ્યા છે જે લોકોને એકસાથે લાવે છે. દરેક આઉટલેટમાં 50થી વધુ સીટિંગની વ્યવસ્થા, ખાસ્સી જગ્યા ધરાવતો લેઆઉટ અને કામ, વાતચીતો અને આરામદાયક મુલાકાતો માટે આદર્શ વાતાવરણ છે.
રજતે વધુમાં જણાવ્યું હતું કે “જેમ જેમ અમે રાષ્ટ્રીય સ્તરે વિસ્તરણ કરી રહ્યા છીએ, તેમ તેમ અમારું ધ્યાન સ્પષ્ટ રહે છે - ઉત્તમ કોફીને પ્રોત્સાહન આપવું અને તેને દરેક ગ્રાહક માટે સુલભ બનાવવી, પછી ભલે તેઓ અમારા કેફેની મુલાકાત લેતા હોય કે ઘરે બનાવતા હોય. અમારા માટે, વૃદ્ધિ ફક્ત નવા શહેરોમાં પ્રવેશવા વિશે નથી. તે ગહન જોડાણો બનાવવા, પસંદગીઓને સમજવા અને એવી જગ્યાઓ બનાવવા વિશે છે જ્યાં લોકો હળવાશ અનુભવી શકે, ભેગા થઈ શકે અને ખરેખર શ્રેષ્ઠ કોફી અનુભવનો આનંદ માણી શકે. કોફી-ફોરવર્ડ બ્રાન્ડ બનવાની અમારી પ્રતિબદ્ધતા દરેક વિસ્તરણને માર્ગદર્શન આપે છે અને અમે આ અનુભવને અમદાવાદમાં લાવતા ઉત્સાહિત છીએ.”
અમદાવાદનું ડાયનેમિક કેફે કલ્ચર, જે ઊંડે સુધી રહેલી આતિથ્યભાવના, સમૃદ્ધ સામાજિક સમુદાય અને વધુ સારા અનુભવો શોધતા યુવા વર્ગ દ્વારા ઊભું થયું છે, જે તેને ભારતના વિકસતા કોફી ક્ષેત્રે એક મહત્વપૂર્ણ બજાર બનાવે છે. ઘરની બહાર જઈને ખર્ચ કરવામાં થઈ રહેલો વધારો અને પ્રીમિયમ, અનુભવ-આધારિત હેંગઆઉટ સ્પેસીસ માટે વધતી પસંદગી, સ્પેશિયલ્ટી કોફી બ્રાન્ડ્સ માટે તકને વધુ મજબૂત બનાવે છે. આ લોન્ચ સાથે, Third Wave Coffee ગુજરાતમાં એક મહત્વપૂર્ણ નવો અધ્યાય શરૂ કરે છે અને સમગ્ર ભારતમાં કોફી પ્રેમીઓ માટે ઉચ્ચ-ગુણવત્તાવાળા, સમુદાય-આધારિત કેફે અનુભવો લાવવાના તેના મિશનને આગળ ધપાવે છે.
