કંપની નવા ઈશ્યૂની ચોખ્ખી આવકનો ઉપયોગ નીચેના ઉદ્દેશ્યો માટે ફંડ પૂરું પાડવા માટે કરવાની દરખાસ્ત કરે છે- (i) કંપની દ્વારા ઉછીના લેવામાં આવેલી રકમની પુનઃચુકવણી/પૂર્વચુકવણી જે રૂ. 1,330 મિલિયન (રૂ. 133 કરોડ) જેટલી થાય છે; (ii) મૂડી ખર્ચ જરૂરિયાતોને ભંડોળ પૂરું પાડવું જે રકમ રૂ. 1,550 મિલિયન (રૂ. 155 કરોડ) જેટલી થાય છે; (iii) ઈનઓર્ગેનિક પહેલ આગળ વધારવા માટે રૂ. 800 મિલિયન (રૂ. 80 કરોડ) અને (iv) સામાન્ય કોર્પોરેટ હેતુઓ માટે બાકીની રકમની ફાળવણી.
ઇક્વિટી શેરના વેચાણ માટેની ઓફરમાં 13,300,000 સુધીના ઇક્વિટી શેરનો સમાવેશ થાય છે જેમાં ટેન્ગી ફેસિલિટી સોલ્યુશન્સ પ્રાઇવેટ લિમિટેડ ("પ્રમોટર ગ્રૂપ સેલિંગ શેરહોલ્ડર") દ્વારા 6,650,000 જેટલા શેર, ઇન્ડિયા બિઝનેસ એક્સેલન્સ ફંડ-ટુ દ્વારા 1,330,000 સુધીના શેર્સ અને ઈન્ડિયા બિઝનેસ એક્સેલન્સ ફંડ -આઈઆઈએ દ્વારા 5,320,000 જેટલા શેર.
આઈઆઈએફએલ સિક્યોરિટીઝ લિમિટેડ, મોતીલાલ ઓસ્વાલ ઇન્વેસ્ટમેન્ટ એડવાઇઝર્સ લિમિટેડ અને એસબીઆઈ કેપિટલ માર્કેટ્સ લિમિટેડ આઈપીઓ ઇશ્યૂના બુક રનિંગ લીડ મેનેજર્સ છે.
બીએસએસ સેગમેન્ટમાં, કંપની તેની પેટાકંપની, મેટ્રિક્સ દ્વારા ઓડિટ અને એશ્યોરન્સ સર્વિસીઝ પ્રદાન કરે છે. તે મેટ્રિક્સ દ્વારા એમ્પ્લોઈ બેકગ્રાઉન્ડ વેરિફિકેશન તપાસ સેવાઓ પણ પ્રદાન કરે છે. તે તેની પેટાકંપનીઓ ડેનેવ અને એથેના દ્વારા વેચાણ સક્ષમ સેવાઓ પ્રદાન કરે છે. તે તેની પેટાકંપની એવન દ્વારા મેઈલરૂમ મેનેજમેન્ટ સેવાઓ પ્રદાન કરે છે.
એફએન્ડએસ રિપોર્ટ અનુસાર, 31 માર્ચ, 2022 ના રોજ પૂરા થયેલા નાણાંકીય વર્ષમાં 5.7%ના હિસ્સા સાથે મેટ્રિક્સ ભારતની ત્રીજી સૌથી મોટી કંપની છે. 31 માર્ચ, 2022 ના રોજ સમાપ્ત થતા નાણાંકીય વર્ષમાં ભારતમાં 15.4%ના બજાર હિસ્સા સાથે ડેનાવે આ સેગમેન્ટની સૌથી મોટી કંપની છે. 31 માર્ચ, 2022 ના રોજ પૂરા થયેલા નાણાંકીય વર્ષમાં એવન મેલરૂમ મેનેજમેન્ટ સર્વિસ માર્કેટમાં 15.5% હિસ્સા સાથે ભારતમાં માર્કેટ લીડર છે.
