આંતરરાષ્ટ્રીય બજારમાં ક્રૂડ ઓઈલના ભાવમાં મોટો ઘટાડો જોવા મડયો છે. છેલ્લા ૨૪ કલાકમાં કાચા તેલની કિંમતમાં ૫ ટકાથી વધુનો ઘટાડો થયો છે. ૨૪ એપ્રિલથી કાચા તેલની કિંમતમાં ૯ ટકાથી વધુનો ઘટાડો જોવા મળી રહ્યો છે. આવી સ્થિતિમાં ફરી આશા જાગી છે કે ભારતમાં પેટ્રોલ અને ડીઝલ સસ્તું થઈ શકે છે. નિષ્ણાતો એવું પણ માને છે કે આંતરરાષ્ટ્રીય બજારમાં ક્રૂડ ઓઈલ જે સ્તરે છે તેની સરખામણીએ સ્થાનિક સ્તરે ઈંધણની કિંમતમાં ઘટાડો થવાની સકયતાઓ છે.
આંતરરાષ્ટ્રીય બજારમાં પેટ્રોલ અને ડીઝલના ભાવ કેટલા નીચે આવ્યા છે અને ઈંધણ કેટલું સસ્તું થઈ શકે છે?
ગલ્ફ દેશોનું ક્રૂડ ઓઈલ ઘણું સસ્તું થઈ ગયું છે, ગલ્ફ દેશોમાંથી સપ્લાય થનારું બ્રેન્ટ ક્રૂડ ૨૪ કલાકમાં ૫ ટકાથી વધુ તૂટયું છે. ૩ મેના રોજ બ્રેન ક્રૂડની કિંમત ૭૫.૩૧ ડોલર પ્રતિ બેરલ પર પહોંચી ગઈ છે. ૨ મેના રોજ બ્રેન્ટ ક્રૂડ ઓઈલની કિંમત બેરલ દીઠ .૮૦ હતી. છેલ્લા ૬ ટ્રેડિંગ દિવસોમાં બ્રેન્ટ ક્રૂડ ઓઈલની કિંમતમાં ૯ ટકાથી વધુનો ઘટાડો થયો છે. ૨૪ એપ્રિલે બ્રેન્ટ ક્રૂડ ઓઈલની કિંમત ૮૨.૭૩ રૂપિયા પ્રતિ બેરલ પર બંધ થઈ હતી.
યુએસ ક્રૂડ ઓઈલના ભાવમાં ઘટાડો
અમેરિકન ક્રૂડ ઓઈલ WTIની કિંમતમાં ૨૪ કલાકમાં ૫.૧૫ ટકાનો ઘટાડો થયો છે. ૩ મેના રોજ, WTIની કિંમત પ્રતિ બેરલ ૭૫.૨૯ પર ટ્રેડ થઈ રહી છે. ૨ મેના રોજ, WTI ની કિંમત પ્રતિ બેરલ $૭૯.૩૪ હતી. ૬ ટ્રેડિંગ દિવસોમાં WTIના ભાવમાં ૯.૧૧ ટકાનો ઘટાડો જોવા મળ્યો છે. ૨૪ એપ્રિલે WTIની કિંમત ઘટીને ૭૮.૭૬ પ્રતિ બેરલ થઈ હતી.
પેટ્રોલ ડીઝલ કેટલું સસ્તું થઈ શકે?
IIFLના વાઈસ પ્રેસિડેન્ટ અનુજ ગુપ્તાના જણાવ્યા અનુસાર મંદીના ડર અને ચીન તરફથી માંગ ઘટવાને કારણે ક્રૂડ ઓઈલની કિંમતમાં ઘટાડો જોવા મળ્યો છે. આવી સ્થિતિમાં ભારતમાં પેટ્રોલ અને ડીઝલની કિંમતમાં ૫ રૂપિયા પ્રતિ લીટરનો ઘટાડો જોવા મળી શકે છે. તેમણે કહ્યું કે હાલમાં દેશની OMCs નફામાં ચાલી રહી છે. આવી સ્થિતિમાં હવે કંપનીઓએ સામાન્ય લોકોને રાહત આપવાની જરૂર છે. તમને જણાવી દઈએ કે ૨૨ મેથી દેશના ચારેય મહાનગરોમાં પેટ્રોલ અને ડીઝલના ભાવમાં કોઈ ફેરફાર થયો નથી.
