જાફરાબાદ સામાકાંઠા વિસ્તારોમાં જીવન જરૂરિયાત પાણીનું વિતરણ મહિનાઓથી ઠપ્પ
અમરેલી જિલ્લાના દરિયાકાંઠાના વિસ્તારોમાં ચોમાસાની ઋતુ હોવા છતાં પીવાના પાણીની વિકટ સમસ્યા દિનપ્રતિદિન વધુ ઘેરી બની રહી છે. જાફરાબાદ સામાકાંઠા વિસ્તારોમાં જીવન જરૂરિયાત પાણી મહિનાઓથી વિતરણ ન થતા ઘણા ખરા વિસ્તારોમાં વપરાશ પાણીથી લઈ પીવા સુધી નું પાણી ની અછત સર્જાઈ હોવાની બૂમો ઉઠી છે. આ વિસ્તારમાં નગરપાલિકા દ્વારા જે પાણી પીવાનું આપવામાં આવે છે તે પાણી છેલ્લા ઘણા સમયથી આપવામાં આવતું ન હોવાથી નાગરિકો ત્રસ્ત થઈ ગયા છે. ઉલ્લેખનીય છે કે, સ્થાનિક વહીવટી તંત્રની ગંભીર લાપરવાહીના કારણે હજારો પરિવારો અત્યારે પાણીના એક-એક ટીપાં માટે ભારે વલખાં મારી રહ્યા છે.
સૂત્રોના જણાવ્યા અનુસાર, પાણી વિતરણની આ સમગ્ર પ્રક્રિયામાં વહીવટી તંત્રના મનસ્વી નિર્ણયો અને પક્ષપાત સામે આવી રહ્યા છે. સામાકાંઠા વિસ્તારોમાં જીવન જરૂરિયાત પાણી છેલ્લે બાલકૃષ્ણ સોસાયટી ના સાંઈ મંદિર ના પાછળ ના ભાગ વિસ્તારોમાં તથા અન્ય વિસ્તારમાં તા. ૦૩/૦૬/૨૦૨૬ ના રોજ વિતરણ કરવામાં આવ્યું હતું. નાગરિકોના જણાવ્યા મુજબ, તે સમયના મોબાઈલ ફોન માં જીપીએસ સિસ્ટમ થી પડેલ ફોટા સાક્ષી પૂરે છે કે આજે મહિના દિવસ સુધી જીવન જરૂરિયાત પાણી વિતરણ કરવામાં આવ્યું નથી. જ્યારે ચોમાસા દરમિયાન પણ જીવન જરૂરિયાત પાણી મહિનાઓ છતાં પાણી વિતરણ કરવામાં આવ્યું નથી, ત્યારે જનતાનો આક્રોશ સાતમા આસમાને પહોંચ્યો છે.
નોંધવા જોગ છે કે આ ગંભીર મુદ્દે ઉચ્ચ કક્ષાએ વારંવાર રજૂઆતો કરવા છતાં પ્રશાસન મૌન ધારણ કરીને બેઠું છે. સ્થાનિકો દ્વારા તા. ૧૧/૦૭/૨૦૨૬ ના રોજ ચિફ ઓફિસર ને ટેલીફોનીક દ્વારા રૂબરૂ જણાવેલ હોવા છતાં આ સાંઈ મંદિર વિસ્તાર તથા અન્ય વિવિધ વિસ્તારોમાં પાણી વિતરણ કરવામાં આવ્યું નથી. આ ભૌગોલિક કટોકટી વચ્ચે સામાકાંઠા વિસ્તારોમાં હાલમાં ખારવા સમાજ માં ઘરે ઘરે લગ્નપ્રસંગો હોય એવા કપરા સમયે પણ પાલિકા દ્વારા જીવન જરૂરિયાત પાણી વિતરણ કરવામાં આવતું નથી. સત્તાધારી પક્ષના કેટલાક ચુંટાયેલા સભ્યો પોતાના લાગતાં વળગતા અને કુટુંબ ના વિસ્તારોમાં જ નિયમિત પાણી વિતરણ કરાવી રહ્યા હોવાના આક્ષેપો પણ થઈ રહ્યા છે.
વાલ્વમેનની મનમાની અને પક્ષપાતી નીતિથી પ્રજામાં ઉગ્ર આક્રોશ
નગરપાલિકાના લાઈનમેન અને વાલ્વમેન દ્વારા પોતાની ફરજમાં ઘોર બેદરકારી દાખવવામાં આવતી હોવાની ફરિયાદો વ્યાપક બની છે. સંવાદદાતાના જણાવ્યા અનુસાર, પાણી વાલ્વમેન અમુક સમયે રાત્રીના સમયે પાણી વિતરણ કરતો હોવાથી તે પાણી રોડ ઉપર નદી જેમ વહેતું હોય છે, પરંતુ દિવસ દરમિયાન પાણી વિતરણ કરવામાં તેમને શું તક્લીફ હોય છે તે મોટો સવાલ છે. આ ઉપરાંત, લોકો ના છુટકે મસમોટી રકમ ખર્ચ કરી ખાનગી ટેન્કરો દ્વારા પાણી ના ટાંકા ઠાલવી રહ્યા છે. ચીફ ઓફિસરના વોટ્સએપ નંબર ઉપર પણ વારંવાર લેખિત તથા મૌકિક રજૂઆતો કરવા છતાં કોઈ પરિણામ આવ્યું નથી, જેનાથી નાગરિકોના બંધારણીય અધિકારો પર તરાપ વાગી રહી છે.
વધુમાં, જનતા સમયસર પાણી વેરો ભરતી હોવા છતાં નગરપાલિકા પોતાની નૈતિક અને કાનૂની ફરજમાંથી છટકી રહી છે. ચિફ ઓફિસરને રજુઆત છતાં સાંઈ મંદિર વિસ્તાર માં જીવન જરૂરિયાત પાણી વિતરણ કરવામાં આવ્યું નથી. સામાકાંઠા વિસ્તારોમાં ભરઉનાળે તેમજ ચોમાસા દરમિયાન બારેમાસ પાણી વિતરણ વ્યવસ્થા સંપૂર્ણપણે ઠપ્પ જ હોય છે. અહીં અમુક સમયે ૧૫ થી ૧૭ દિવસે પીવાનું પાણી મળી રહ્યું છે તો અમુક સમયે ૨૦ થી ૩૦ દિવસ થવા છતાં પાણી વિતરણ કરવામાં આવતું નથી. સરકારની મહત્વકાંક્ષી નળ છે જળ યોજના ફક્ત ને ફક્ત કાગળ ઉપર જ સિમિત હોય તેવું સ્પષ્ટ દેખાઈ રહ્યું છે.
જાણવા મળ્યા અનુસાર, રોષે ભરાયેલા રહેવાસીઓએ આગામી સમયમાં પાલિકા કચેરીને તાળાબંધી કરવાની ચીમકી આપી છે. વિજિલન્સ વિભાગના અહેવાલ મુજબ, પાણી પુરવઠા લાઈનમાં થયેલા ગેરકાયદે કનેક્શનોના કારણે પણ છેવાડાના વિસ્તારો સુધી પૂરતું પ્રેશર પહોંચતું નથી. સ્થાનિક મંડળોએ ચીફ ઓફિસરને અલ્ટીમેટમ આપ્યું છે કે જો આગામી ૪૮ કલાકમાં નિયમિત પાણી સપ્લાય શરૂ નહીં થાય તો ઉગ્ર આંદોલન કરાશે. સમગ્ર જાફરાબાદ પંથકના સામાજિક અને રાજકીય વર્તુળોમાં નગરપાલિકાની આ નિષ્ફળ વહીવટી નીતિ અને પાણી માટે મચતા હાહાકારની ચારેય તરફ વ્યાપક ચર્ચા થઈ રહી છે.
આગામી દિવસોમાં જાફરાબાદ સામાકાંઠા વિસ્તારોમાં જીવન જરૂરિયાત પાણીની કટોકટી નિવારવા માટે કલેક્ટર દ્વારા શું પગલાં લેવાશે તેના પર નાગરિકોની નજર રહેશે. જો પ્રશાસન દ્વારા પક્ષપાતી વાલ્વમેન સામે કડક કાનૂની કાર્યવાહી કરવામાં આવે તો ભવિષ્યમાં આવી મનમાનીની સમસ્યા નિવારી શકાશે. શું ચીફ ઓફિસર કાગળ પર ચાલતી નળ છે જળ યોજના ફક્ત કાગળ પરથી હટાવીને ગ્રાઉન્ડ લેવલ પર સાચી બનાવશે કે કેમ તે મોટો પ્રશ્ન છે. જાફરાબાદની જનતા વહેલી તકે પૂરતું અને શુદ્ધ પીવાનું પાણી મળે તેવી આશા રાખી રહી છે.
