ગુજરાત ટાઇટન્સે અમદાવાદમાં એક રોમાંચક ઉદ્ઘાટન કાર્યક્રમ સાથે LALIGAના સહયોગથી પોતાના 'જુનિયર ટાઇટન્સ' પહેલની સફળતાપૂર્વક શરૂઆત કરી છે. 14 વર્ષથી ઓછી ઉંમરના બાળકોમાં આઉટડોર સ્પોર્ટ્સ પ્રત્યે ઉત્સાહ વધારવા માટે સમર્પિત ‘લેટ્સ સ્પોર્ટ આઉટ’ (Let’s Sport Out) થીમ આધારિત આ ઇવેન્ટમાં શહેરની 28 શાળના 800 બાળકોએ ઉત્સાહપૂર્વક ભાગ લીધો હતો. હવે ગુજરાતના વિવિધ શહેરોમાં આગામી થોડાક અઠવાડિયામાં આ ઇવેન્ટ સિરીઝનું  આયોજન કરવામાં આવશે.