ગુરુગ્રામ: એર ઇન્ડિયાએ ૨૬ ઓક્ટોબર, ૨૦૨૫ થી શરૂ થતા નોર્ધન વિન્ટર શેડ્યૂલના ભાગરૂપે તેના સિંગલ-આઈલ એરક્રાફ્ટ દ્વારા સંચાલિત મુખ્ય પ્રાદેશિક અને ટૂંકા અંતરના આંતરરાષ્ટ્રીય રૂટ્સ પર કુલ ૧૭૪ સાપ્તાહિક ફ્લાઇટ્સ ઉમેરવાની જાહેરાત કરી છે. આ મોટા વિસ્તરણથી ભારત અને દક્ષિણપૂર્વ એશિયામાં કનેક્ટિવિટી વધશે. ગુજરાતના મુસાફરો માટે ખાસ કરીને મુંબઈ-ભુજ ફ્લાઇટ અને દિલ્હી-રાજકોટ ફ્લાઇટ જેવા રૂટ પર દૈનિક ફ્લાઇટ્સની સંખ્યા બમણી કરવામાં આવી છે, જેનાથી તહેવારોની સિઝન અને શિયાળાના પ્રવાસીઓને મોટી રાહત મળશે.
એર ઇન્ડિયાની ૧૭૪ નવી ફ્લાઇટ્સનો પ્લાન?
એર ઇન્ડિયા દ્વારા જાહેર કરાયેલા મીડિયા અહેવાલ મુજબ, આ વધારો ડોમેસ્ટિક તેમજ ટૂંકા અંતરના આંતરરાષ્ટ્રીય રૂટ પર કરવામાં આવ્યો છે. આ નિર્ણયનો મુખ્ય હેતુ શિયાળાની રજાઓ અને તહેવારો દરમિયાન વધતી જતી પ્રવાસીઓની માંગને પહોંચી વળવાનો છે. કંપનીએ ભારપૂર્વક જણાવ્યું છે કે, આ તમામ ફ્લાઇટ્સ આધુનિક સુવિધાઓથી સજ્જ એરક્રાફ્ટ દ્વારા સંચાલિત થશે.
ગુજરાત માટે કનેક્ટિવિટીનો માસ્ટર સ્ટ્રોક
ગુજરાત માટે ખાસ કરીને મુસાફરોને ધ્યાનમાં રાખીને, એર ઇન્ડિયાએ ૨૬ ઓક્ટોબરથી બે મુખ્ય રૂટ પર ફ્લાઇટ્સની ફ્રીક્વન્સી વધારી છે:
મુંબઈ-ભુજ ફ્લાઇટ: દૈનિક ૧ ગણીથી વધારીને ૨ ગણી કરવામાં આવી છે.
દિલ્હી-રાજકોટ ફ્લાઇટ: દૈનિક ૧ ગણીથી વધારીને ૨ ગણી કરવામાં આવી છે.
આ ઉપરાંત, રાજસ્થાન માટે પણ સીઝનલ ફ્લાઇટ્સનો ઉમેરો થયો છે, જેમાં દિલ્હી-જયપુર (નવો રૂટ, ૩x દૈનિક) અને દિલ્હી-જૈસલમેર (નવો રૂટ, ૨x દૈનિક) નો સમાવેશ થાય છે. મધ્ય પ્રદેશના ઇન્દોર અને ભોપાલની ફ્લાઇટ્સમાં પણ વધારો કરાયો છે.
આંતરરાષ્ટ્રીય અને કેબિન અપગ્રેડની વિગતો
ટૂંકા અંતરના આંતરરાષ્ટ્રીય રૂટમાં પણ વધારો કરાયો છે. ૧૫ નવેમ્બરથી દિલ્હી-કુઆલા લમ્પુર અને ૧ ડિસેમ્બરથી દિલ્હી-દેનપાસર (બાલી) રૂટ પર સાપ્તાહિક ફ્લાઇટ્સ ૭ ગણીથી વધારીને ૧૦ ગણી કરવામાં આવી છે
આ વિસ્તરણના ભાગરૂપે, એર ઇન્ડિયાએ તેના લેગસી A320neo એરક્રાફ્ટ માટે રેટ્રોફિટ પ્રોગ્રામ પૂર્ણ કરવાના આરે છે. ૨૭માંથી ૨૬ લેગસી A320neo એરક્રાફ્ટને ત્રણ વર્ગો (બિઝનેસ ક્લાસ, પ્રીમિયમ ઇકોનોમી અને ઇકોનોમી ક્લાસ) ધરાવતા તદ્દન નવા કેબિન ઇન્ટિરિયર્સ સાથે રિટ્રોફિટ કરવામાં આવ્યા છે. આનાથી ૮૦થી વધુ સ્થાનિક અને ટૂંકા અંતરના આંતરરાષ્ટ્રીય રૂટ પર મુસાફરીનો અનુભવ વિશ્વ-સ્તરીય બનશે.
