ભારતની અગ્રણી ઇન્ટીગ્રેટેડ પેમેન્ટ સોલ્યુશન્સ પ્રોવાઇડર હિટાચી પેમેન્ટ સર્વિસિસ (હિટાચી પેમેન્ટ્સ) એ મલ્ટી-બિઝનેસ એન્ટરપ્રાઇઝ રાઇટર કોર્પોરેશનનો કેશ મેનેજમેન્ટ બિઝનેસ ખરીદવા માટે સમજૂતિ કરી છે. રાઇટર કોર્પોરેશનનો કેશ મેનેજમેન્ટ બિઝનેસ રાઇટર સેફગાર્ડ કેશ મેનેજમેન્ટ ઉદ્યોગમાં ભારતમાં વર્ષ 2001થી કોર્પોરેટ ક્લાયન્ટ્સને એટીએમ કેશ રિપ્લેનિશમેન્ટ અને રિટેલ કેશ પિક-અપ સર્વિસિસ સહિતની કેશ સર્વિસ પૂરી પાડી રહ્યો છે. રાઇટર સેફગાર્ડ 25 રાજ્યોમાં 1500 સ્થાનો એટીએમ અને રિટેલ સહિત 40,000 ટચપોઇન્ટ્સનું નેટવર્ક તથા 10,000થી વધુ કર્મચારીઓ ધરાવે છે.
આ એક્વિઝિશન કેશ મેનેજમેન્ટ બિઝનેસને એકંદર સર્વિસ ઓફરમાં એકીકૃત કરીને અને વન-સ્ટોપ પેમેન્ટ્સ અને કોમર્સ સોલ્યુશન પ્રોવાઇડર તરીકે પોતાની સ્થિતિ બનાવીને માર્કેટમાં હિટાચી પેમેન્ટ્સનું સ્થાન મજબૂત બનાવશે. તે હિટાચી પેમેન્ટ્સને નાણા સંસ્થાઓને સંપૂર્ણ એટીએમ સેવાઓ પૂરી પાડવા સક્ષમ બનાવશે અને મર્ચેન્ડાઇઝનાં સંદર્ભમાં તે હિટાચી પેમેન્ટ્સની ડિજિટલ ઓફરિંગ્સને પૂરક બનશે. મર્ચન્ટ્સ સંબંધિત તમામ પેમેન્ટ્સ અને કોમર્સની જરૂરિયાતો માટે યુનિફાઇડ અને સિંગલ પ્લેટફોર્મ ઓફર કરીને આ એક્વિઝિશન મર્ચન્ટ્સને હિટાચીનાં પેમેન્ટ વેલ્યુ ઓફરને વધુ મજબૂત બનાવશે અને ડિજિટલ સ્વીકારમાં ઉદ્દીપકની ભૂમિકા ભજવશે.
હિટાચી લિમિટેડના વાઇસ પ્રેસિડન્ટ, એક્ઝિક્યુટિવ ઓફિસર, સીઇઓ (ફાઇનાન્સિયલ ઇન્સ્ટિટ્યૂશન્સ બિઝનેસ યુનિટ) તત્સુરો ઉએડાએ જણાવ્યું હતું કે, “વિશ્વભરમાં ડિજિટલાઇઝેશનની હિલચાલ ચાલી રહી છે ત્યારે હિટાચી ખાસ કરીને ભારતમાં, જ્યાં ડિજિટલાઇઝેશન ઝડપથી પ્રગતિ કરી રહ્યું છે ત્યાં અમારા ગ્રાહકોની વિવિધ જરૂરિયાતોને અસરકારક રીતે પહોંચી વળે તેવા ફ્યુચર-રેડી સોલ્યુશન્સ પૂરાં પાડવા પ્રતિબધ્ધ છે. આ એક્વિઝિશન અમને અમારી સેવાઓનું વિસ્તરણ કરવા સક્ષમ બનાવશે અને ભારતીય બજારમાં અમારી સ્થિતિને વધુ મજબૂત બનાવશે. ખાસ કરીને મર્ચન્ટ ઇકોસિસ્ટમ માટે અમે વિશિષ્ટ વેલ્યુ પ્રપોઝિશન પૂરી પાડી શકીશું અને વન સ્ટોપ સોલ્યુશન પ્રોવાઇડર બનીને ડિજિટલ સ્વીકાર્યતાને વેગ આપીશું અને મર્ચન્ટ્સની વિવિધ જરૂરિયાતોને પૂરી કરીશું.”
હિટાચી પેમેન્ટ સર્વિસિસના મેનેજિંગ ડિરેક્ટર અને ચીફ એક્ઝિક્યુટિવ ઓફિસર સુમિલ વિકમસેએ જણાવ્યું હતું કે, “રાઇટર કોર્પોરેશનનાં કેશ મેનેજમેન્ટ બિઝનેસનું એક્વિઝિશન અગ્રણી પેમેન્ટ્સ અને કોમર્સ સોલ્યુશન પ્રોવાઇડર બનવાના હિટાચી પેમેન્ટનાં વિઝનને પૂરક બનશે અને પેમેન્ટ્સ વેલ્યુ ચેઇનમાં સર્વગ્રાહી, વિશ્વાસપાત્ર અને કિફાયતી સોલ્યુશન્સ ઓફર કરી શકશે. એકંદર વ્યૂહને અનુરુપ આ સોદો અમારા માટે અમારી સર્વિસ ઓફર વ્યાપક બનાવવાની તકો પૂરી પાડે છે અને અમને ભારતીય પેમેન્ટ ક્ષેત્રમાં ગ્રોથ અને ઇનોવેશનની આગેવાની લેવા અનોખી સ્થિતિ પૂરી
પાડે છે.”
રાઇટર બિઝનેસ સર્વિસિસના મેનેજિંગ ડિરેક્ટર ડાયેલ ડી સોઝાએ જણાવ્યું હતું કે, “છેલ્લાં બે દાયકાથી રાઇટર કોર્પોરેશને આધુનિક ટેકનોલોજી, ઓપરેશનલ ક્ષમતા અને સુપિરિયર રિસ્ક મેનેજમેન્ટ પ્રેક્ટિસ દ્વારા કેશ મેનેજમેન્ટ બિઝનેસમાં ભવ્ય વારસાની રચના કરી છે. કેશ લોજિસ્ટિક્સ એસોસિએશનના સ્થાપક સભ્યોમાંનાં એક તરીકે કંપનીએ ભારતમાં કેશ મેનેજમેન્ટ ઉદ્યોગમાં વૈશ્વિક માપદંડો લાવવામાં મહત્વની ભૂમિકા ભજવી છે. અમને વિશ્વાસ છે કે હિટાચી પેમેન્ટ્સને બિઝનેસ ટ્રાન્સફર કરવાથી બિઝનેસમાં નવી ક્ષમતાઓનો ઉમેરો થશે. અમે અમારા કોર્પોરેટ ક્લાયન્ટ્સને એકંદર સર્વિસ પોર્ટફોલિયોનાં ભાગ રૂપે એટીએમ મેનેજ્ડ સર્વિસિસ બિઝનેસ જાળવી રાખવામાં અને તેની વૃદ્ધિ કરવાનું ચાલુ રાખીશું.”
હિટાચી પેમેન્ટ્સ ભારતમાં પેમેન્ટ ઉદ્યોગની પ્રણેતા છે અને એટીએમ સેવાઓ, કેશ રિસાઇકલિંગ મશીન્સ, વ્હાઇટ લેબલ એટીએમ, POS સોલ્યુશન્સ, ટોલ અને ટ્રાન્ઝિટ સોલ્યુશન્સ, પેમેન્ટ ગેટવે સોલ્યુશન્સ અને SoftPOS, POS વેલ્યુ એડેડ સર્વિસિસ જેવી ઇનોવેટિવ ઓફર તથા નેક્સ્ટ-જેન મોબાઇલ આધારિત મર્ચન્ટ પ્લેટફોર્મ સહિતનાં પ્લેટફોર્મ સોલ્યુશન્સની સંપૂર્ણ રેન્જ પૂરી પાડે છે. કંપની અપવાદરૂપ ગ્રાહક અનુભવ પૂરો પાડવા અને ભારતમાં નાણાકીય સર્વસમાવેશિતા માટે પ્રતિબધ્ધ છે. એક્વિઝિશનની પૂર્ણતા ક્લોઝિંગની શરતોને આધીન છે.
