નૌકાદળના અધિકારીઓએ જણાવ્યું હતું કે મિસાઈલે અરબી સમુદ્રમાં સફળતાપૂર્વક પ્રિસિઝન સ્ટ્રાઈક કરી હતી. બ્રહ્મોસ મિસાઈલનું પરીક્ષણ કોલકાતા-ક્લાસ ગાઈડેડ મિસાઈલ ડિસ્ટ્રોયરથી કરવામાં આવ્યું હતું. બ્રહ્મોસ એરોસ્પેસ મિસાઈલમાં સ્વદેશી સામગ્રી વધારવા પર સતત કામ કરી રહી છે. મિસાઈલનું સફળ પરીક્ષણ આત્મનિર્ભરતા પ્રત્યે દેશની પ્રતિબદ્ધતાને વધુ મજબૂત કરે છે.
બ્રહ્મોસ એક સુપરસોનિક ક્રૂઝ મિસાઈલ છે, જેને સબમરીન, જહાજ, વિમાન અથવા જમીન પરથી લોન્ચ કરી શકાય છે. બ્રહ્મોસ રશિયાની પી-800 ઓસેનિક ક્રૂઝ મિસાઈલ ટેક્નોલોજી પર આધારિત છે. આ મિસાઈલ ભારતીય સેના, આર્મી, નેવી અને એરફોર્સની ત્રણેય પાંખને સોંપવામાં આવી છે. બ્રહ્મોસ મિસાઈલના ઘણા વર્ઝન છે. બ્રહ્મોસના લેન્ડ-લોન્ચ, શિપ-લોન્ચ, સબમરીન-લોન્ચ એર-લોન્ચ વર્ઝનનું પરીક્ષણ કરવામાં આવ્યું છે.
