Global leader approval rating: વડાપ્રધાન નરેન્દ્ર મોદીની લોકપ્રિયતા દિવસેને દિવસે વધી રહી છે. તેમના નેતૃત્વએ તેમને વિશ્વભરમાં પ્રથમ સ્થાને મૂક્યા છે. મોર્નિંગ કન્સલ્ટ દ્વારા બહાર પાડવામાં આવેલી નવીનતમ ગ્લોબલ લીડર એપ્રુવલ રેટિંગ યાદીમાં તેઓ ટોચ પર છે. આ યાદી 6 થી 12 નવેમ્બર, 2025 દરમિયાન એકત્રિત કરવામાં આવેલા ડેટા પર આધારિત છે.
મોર્નિંગ કન્સલ્ટ રિપોર્ટ જણાવે છે કે આ રેટિંગ દેશના પુખ્ત વયના લોકોમાં કરવામાં આવેલા સર્વેના છેલ્લા સાત દિવસના સિમ્પલ મૂવિંગ એવરેજને પ્રતિબિંબિત કરે છે. આ રિપોર્ટ મુજબ, પીએમ મોદીનું એપ્રુવલ રેટિંગ 71 ટકા છે. તેમના પછી જાપાનના વડાપ્રધાન સનાઈ તાકાચી છે. સર્વે કરાયેલા લોકો તરફથી સનાઈ તાકાચીને 63 ટકા મંજૂરી મળી. દક્ષિણ કોરિયાના લી જે-મ્યુંગ 58 ટકા એપ્રુવલ રેટિંગ સાથે ત્રીજા સ્થાને છે.
ઓસ્ટ્રેલિયાના વડા પ્રધાન એન્થોની અલ્બેનીઝ ચોથા સ્થાને છે, તેઓ પણ 58 ટકા મંજૂરી રેટિંગ સાથે. આર્જેન્ટિનાના જાવિઅર મેલી 58 ટકા મંજૂરી રેટિંગ સાથે પાંચમા સ્થાને છે. કેનેડાના માર્ક કાર્ની 49 ટકા મંજૂરી રેટિંગ સાથે છઠ્ઠા સ્થાને છે. સ્વિટ્ઝર્લૅન્ડના કરેન કેલર-સટર 44 ટકા મંજૂરી રેટિંગ સાથે સાતમા સ્થાને છે.
આ મંજૂરી રેટિંગમાં યુએસ પ્રમુખ ડોનાલ્ડ ટ્રમ્પ 41 ટકા મંજૂરી રેટિંગ સાથે આઠમા સ્થાને છે. મેક્સિકોના ક્લાઉડિયા શેનબૌમ 41 ટકા મંજૂરી રેટિંગ સાથે નવમા સ્થાને છે. બ્રાઝિલના લુલા દા સિલ્વા 39 ટકા મંજૂરી રેટિંગ સાથે દસમા સ્થાને છે.
